厭倦人生

上班又被老闆罵,說我沒進步,常把信件搞亂,新來的進步很快,叫我做她榜樣。做甚麼榜樣呢?既然她覺得新來的較好,為什麼不找她加班而找我呢?如果她不喜歡我為什麼不炒我呢?省得罵,自己動氣,事情又做不好。也許老闆還沒找到其他人吧~~等她找到就不要我也說不定。而我呢,住夠租金就辭工也有可能。多打一份校內工讀吧到時候~~現在打工太多,課業快追不上了!

裕說他擺酒,叫我回廣州,還說他在TW很多朋友。我問,擺酒?WITH WHO?佢話同佢老婆。屎忽痕?結左婚大大話話都7年,仔都8歲,擺酒?我話,無錢呀,你比?佢話,或者可以問你阿爸拎。講左半日,都係吹水。之後佢話︰你比電話我LA,我得閒可幾黎搵你。我話我跟左YMCA去澳洲遊學BOR~~無出電話WO~~出電話要錢架。佢問點樣可以搵到我。我話MSN is the best,即使呢我心情好就覆心情差就當你無到個隻。佢最後話︰We are family 有咩事都要同講我地知。我冷哼,無覆佢。依家唸返起,再哼多兩聲。

又要返工,唔想返,精神壓力好大,老闆吹毛求疪,有咩事都搵我麻煩。仲有好多書好多作業未寫未讀,依家連讀書都係工作之一,真係唔想。
尋晚同肥崴去睇20世紀少年,佢叫我唔好返,要保有尊嚴。我話,要儲錢搬出去住呀。佢話,咁你係咪肯定搬先。我話,儲左錢先LA~~到時唔夠錢搬唔到都無計。佢話,洗咩租呀,每個月比租架嘛。我計埋條數比佢睇,要交學費,要生活。佢就一直話唔洗儲,話我唔夠堅持,一直比老闆欺壓。講多兩句,我開始覺得佢唔明,唔明咩叫做為目標努力但不計成果。我心裡面唸,咁辛苦都一個人黎到,點會唔堅持呢?點會做唔到決定呢?而係做決定之前要計劃,下決定時要衡量將來,唔通好衝動咁搬左出去,好堅決下左決定但無錢比租?我以為MASTER會比大學部明白,但原來都係唔明,佢地無錢可以返屋企拎,我無錢就要賣身架LA。每每到呢個時候就好想返HK,至少,有幾個明白我既人。
無經歷過既人的確係唔明白。簡單黎講,佢地唔止唔明白我,而且,唔明白生活。
呢D,就係生活。

留言