乾塘

近日真係心血少。前幾日預計打的遊記，預估暑假才能夠出來。以前總是文思泉湧的，如今打一份報告都難，可能與閒適時間不足有關。現在都是來去衝衝，沒甚麼時間靜下來，任思緒隨意飄蕩，一想到這，就覺得累。連報告都未能好好想一想再寫，也許要多走些路，少騎單車了！不過必須在幾個據點高速移動，有時真是身不由己。
說句老實話，很累了！
比星座講中，呢輪真係有D怕寂寞，成日都想搵人出黎食飯，但係呢又要等BILL WO。主動權係曬佢手上。不過呢輪真係想有人陪下既，返到去對住四面壁一部腦同埋成山未讀完既硬書。D咩鬼小說文學都睇曬，但係呢，都無感覺，對住D咁既書又無咩興趣睇，想寫下野又寫唔出，再咁落去真係死得人多。
岩岩趕起個互評，個腦實曬咩都唸唔到，好辛苦。點解會咁呢？到底出左咩事呢？天呀！比D啓示我吧！
尋晚本來想去系館溫書，考東南亞史，但原來歷史之夜三綵，勁嘈，走左去睇漫畫，變左查實我無溫過囉=.= 是Q但，陣間去食個M記再返系館溫，真係咁都得，勁HEA。歷史之夜真係好無謂，或者我不嬲對群團活動無興趣，再加上D唔專業既群體活動(唔知點解我做咩都唔可以有D玩玩下既心情去做，或者抱住D HEA下就算既心情呢，呢世人會易D過)。琼姐同阿城都有參加，真係做壞曬規矩，僑生不嬲都無慣例玩歷史之夜架嘛。不過唔理LU，佢地鐘意LA~~反正我都無眼睇。不過講起歷史之夜點解D人唔係做歷史劇既呢？我想寫既俞麗娜劇本家陣連書都未搵到，中大出左本新既中國音樂史，好想睇，但係成兩舊水，玩野咩！咁搞法死左都未開始寫LA。話時話咁又三年，D寫作大計一件都未開始實行過……激死人，我到底有咩咁忙？搞到咁既田地！