頂你個肺

不斷咁打文,但係唔打得好多,轉下channel,講下廣東話。
一唔落雨又熱返,尋日休息左成日,唸住打下影評。稿擬好LA,知道自己想打咩WO,下一句係咩都知,但係打兩句,停一停,扛唔落去。搞下facebook又開下土豆,過幾個鐘,又打兩句。完全無辦法集中打落去。其實依家都係咁,呢篇咁既廣東話都係打兩句就唔想打,搞左成朝搞到要返工,都剩係打左一段……
唔知係咪前晚捱完夜既關係,呢兩日精神都唔係幾好,訓得唔錯架!但梗係好累,精神集中唔到,睇書都係睇兩行又想去做其他人,個心就一直唸住想打機,除左打機咩都唔想做。一陣間放工預左要去老師到,但都係唔好,去到我都做唔到D咩,咁既精神狀態,都係返房開冷氣,訓下覺,打下機。
老闆娘問我好像很累,發生了甚麼事,我隨口說因為找工作。我想這只是一部份,昨晚日記不停寫將來,其實我應該寫其他野,寫買機票呀甚麼的事情。我想我在敘述上經常犯一個毛病,以遍蓋全,甚至令我在思考時也常有這種問題。比如我一直講做野,大家就會話,做得不開心就別做呀,老闆就是這樣呀等等等等,儘在講風涼話。但我背後真正想講的是台灣、香港的工作文化,不是單一的狀況,真正想探究的是關於世界,屬於整體的狀況。我對老闆娘講工作,其實我係對自己既未來全體,工作啦、愛情啦、生活啦、友情啦、前途啦等等等等,絕對地絕望。這種絕望的確令我精神狀態唔係幾好,但無損工作,應該話,我覺得有捐工作就唔會返工。

前晚見到阿東,幾經辛苦,佢真係,無咩時間觀念。食完飯同佢同阿祖係房吹左幾個鐘頭水,又變成我既埋怨大會。講真LA,我的確係個好叻埋怨既人,因為我太多理想太多標準,成日都覺得世界離我既標準太遠,所以重覆又重覆都係個D野。
重覆還重覆,查實埋怨或者情緒抒發只係佔對話裡面1/3既動機,另外1/3之中係資訊交流,最後1/3係我希望係不斷不斷既敘述之中,搵到最完美既一次。拎村上春樹做例子LA~~D人成Q日講1Q84無進步,係班友心目中咩叫進步呢?題材新鮮、敘述手法有突破,簡單黎講就係同以前既野「唔同」,就叫做新野LA,就叫做進步啦。咁講其實都有一定道理,但係文學家心目中,題材新穎已經滿足唔到佢地,佢地希望用同一個題材,重覆又重覆咁得出最完美最附合心目中理想既表達方法。
當然,咩都唔講可能係最聰明既,但聰明又有咩用呢?做人做得咁辛苦,講句野都唔得,講一兩句D人就咁大反應,有咩謂呢?呢D咪叫麻煩友囉。講完。
但係講起某D人都真係好Q谷氣。搵工搵到好頹,上兩星期同阿成講LA,講左兩句,佢話︰「學長你脈唔夠呀!」個野我都幾火,你條仆街,唔怪得LA。世界上就係有好多呢D仆街,靠人事,但無咩能力。我係好撚睇唔起呢D仆街,OK,人脈的確係有用,但含撚LA佢,佢個D叫咩人脈,群埋曬D又廢又低能既人。做男人做到佢咁無責任感,堂又唔上,女又唔識哄,佢條女又得架WO~~不過佢條女都係白白痴痴,未見識過男人,低低BB。阿祖日日都雍佢地分手,我就覺得無咁易,即係有D人天生係唔識得升LV,唔知到人應該追求更好既野。佢條女呢D咪就係囉。不過我又無駁佢WO~~因為對住阿成呢D人係有理說不清,係佢心目中,最緊要係識多D豬朋狗友,佢又唔方會有咩心事架LA,所以係唔需要知己。佢阿媽又單親WO,錫到佢咩咁。我都係鐘意阿祖個句,條友根本就白痴,唔見左居留證去問台仔唔問佢。
跟住講起MARTIN,查實我知道阿東鐘意呢D是是非非,我先講。講起佢單「我國」事件,講我地三個都O曬嘴。大佬,呢D真係經典過阿東唔識食柚LA係咪先!(呢句係幫阿東平反既)然後又講佢溝女表白單野,阿東好不以為然咁話,係咩我都係表白WO~~我即時串佢,因為你條女係初戀姐。 都係阿祖一句封左,呢個大一學弟三個字講曬︰小學雞。超正囉阿祖真係。
之後講下肥妹同大MENG,我之前一路覺得大MENG係D好有機心既人,阿祖話,查實佢係天然呆。係咩?真係唔知佢真傻定假痴。因為我係個疑心極重,想像力超好既粉皮,所以對D天然呆真係好Q無辦法。對住D小學雞就好易LA~~是但搵個辦法令佢出醜就得。天然呆就好麻煩LA~~你唸到佢好高深咩?偏偏佢又無機心。整個局裝佢,裝完之後佢無咩事又起返身。真係O曬嘴。我同阿祖講︰「你學妹呀!同我講佢去日本,佢話儲左錢好耐,貧窮之旅WO~~問佢去幾多日,佢話8日。大佬,日本8日都仲叫貧窮之旅?我係台南8日都要唸過度過。」阿祖話︰「儲咩錢姐,咪又係澳門政府派既錢。」

呢一輪都不斷係到唸呢D野LA~~做咩D仆街咩都唔撚做,日子可以過得咁好。得閒去玩下,又有女陪下,唔洗上堂唔洗返工又有錢收。頂!真係唔知咁Q辛苦為左咩。阿榮學長個句,D人出既力都唔知有無我1/3,一樣係畢業,真係唔知點解囉,唉。
前兩日有單野又係好鬼激心。私生女話,今年要幫笑面虎報帳,叫我教佢。我心唸,搞錯呀,又搵我黎搞?之前已經教過佢LA~~做咩又叫我去。笑面虎家陣真係當我好得閒咁囉,大佬,我都無係佢到做成年LA~~佢又唔叫其他人教?佢唔係搵左個台妹跟麻煩友學咩?做咩又唔搵個台妹呀?頂!
之前個碩士班又係,話咩佢要去台北,叫我得閒就去系上睇下報帳有無退件。哇大佬,我真係采佢都傻LA~~我去拎,容咩易之後都係我搞埋。痴Q線,做埋佢個份?唔理LU~~等D錢落黎就辦退學,搞掂曬就返HK,采佢都傻LU到時就真係。話時話,佢咁做野法,我都唔知幾時先有得搞離校,再唔搞都唔知會點,機票都未訂。又要煩返去搵工,呢樣個樣,麻麻煩煩,做人做到咁,真係慘超人環。都係祈禱返去個班機到,華航空中解體,死無全屍,咁就正爆。做人都係求死姐,死得好睇,死得離奇,咁至係人生呀嘛。
不過如果返到HK~~我就努力寫文。呢個都係返HK既目的,係台南,D思維太鬆散。打草稿都仲可以既,如果要定稿就唔得囉。返去,搵返D觸感返黎,再改好篇野。嗯,到底我有無才能呢?真係唔知,總知,寫完先算LA~~

留言